15 de feb. de 2015

TEATRO DA OPRIMIDA

O día 26 de febreiro teremos a representación dunha obra teratral no salón de acto do colexio.
Virá o grupo de teatro “As 100tolas”, a través da súa peza teatral “A viaxe de Ana” presentan unha situación de abuso e opresión que, entre todo o público asistente, debemos resolver.
Favorecer a participación e protagonismo do alumnado é clave e forma parte da aposta metodolóxica deste proxecto.
O teatro foro é unha das técnicas do TO (quizais a máis emblemática) onde a barreira entre o escenario e a platea é suprimida polo diálogo. Conta unha escena teatral baseada en feitos reais, na cal as persoas oprimidas e opresoras entran en conflito, de xeito claro e obxectivo, na defensa dos seus desexos e intereses. No enfrontamento, a persoa oprimida fracasa e o público é estimulado por quen exerce de Curinga (a persoa facilitadora do TO) a entrar en escena, substituír á persoa protagonista (a oprimida) e a buscar alternativas para o problema que se acaba de representar. Así consigue transformar ao e público en protagonista da acción dramática.
“A viaxe de Ana” conta a historia dunha muller que decide emigrar na busca dunha vida mellor. A súa é unha viaxe longa. Na súa maleta garda recordos e ilusión por un futuro. Unha ilusión que pronto será atropelada por unha sociedade hostil, atrozmente individualista e que só busca proveito propio.

2 de feb. de 2015

O VALOR DA AUGA

DÍA DA PAZ E OUTRAS CONMEMORACIÓNS


As nenas e nenos da clase de 1º da ESO,  con motivo da celebración do día “DÍA INTERNACIONAL DA PAZ” o 30 de Xaneiro,  decatámonos  de  que hai moitos feitos que acontecen no mundo dos que non saberíamos nada se non fose porque as  Nacións Unidas   asinan unha data para recordar dito acontecemento e concienciar a Sociedade de que hai que actuar  de xeito activo para poder construir  entre todos Nós, un mundo mellor.
Aquí presentamos o noso raballo sobre algunhas desas celebracións e  deixamos neste día 30 de Xaneiro: "Día da Paz" unha frase de Gandhi para a reflexión:  

Mahatma Gandhi: " Lo más atroz de las cosas malas y de la gente mala es el silencio de la gente buena"